- 前期規劃
先傾你嘅需要
由生活習慣、收納需要同預算開始，了解你想改善嘅地方，亦傾清楚預計入住時間。
你可以準備平面圖、單位面積，同幾張你鍾意嘅風格參考。
- 前期規劃
上門睇位同度尺
量度現場尺寸，了解原有間隔、喉管、電位同單位狀況，將想法放返入實際空間考慮。
一齊確認邊啲保留、邊啲改動，同現場需要處理嘅位置。
- 前期規劃
定方案，對清報價
整理空間規劃同工程項目，逐項講清楚物料、施工範圍及報價，確認後再安排下一步。
一齊確認工程範圍、報價同合約；付款安排按雙方確認嘅合約。
- 前期規劃
將設計細節落實
再細化動線、收納、傢俬尺寸、燈位同插座位置，配合物料及配色，整理成施工依據。
一齊確認圖則、尺寸、物料同使用細節，減少開工後先改動。
- 開工準備
物料同工期先安排好
按確認方案安排物料及訂造項目，協調各工種進場，配合大廈裝修要求及保護工程。
開工前對清入場時間、物料交期、施工時間表同現場聯絡安排。
- 施工與安裝
清拆、水電打好底
按確認範圍安排清拆，再處理水電喉線及所需位置。先核對隱蔽工程，再接續後面工序。
施工重點喉線、插座及設備位置，覆蓋前先核對清楚。
- 施工與安裝
泥水、防水同鋪磚
處理牆地面、防水及鋪磚，按現場情況同物料需要預留檢查及養護時間，逐步完成基礎飾面。
施工重點按工程範圍檢查防水、去水及牆地面施工。
- 施工與安裝
油漆同傢俬進場
完成批灰、打磨同髹油，配合工程進度安排訂造傢俬安裝，處理櫃身、牆身同地面接合嘅細節。
施工重點飾面、櫃門開合、五金同收口，連日常使用一齊睇。
- 施工與安裝
裝配件，逐項執漏
完成燈具、五金及配件安裝，檢查設備運作同細節收口，整理需要跟進嘅位置及安排清潔。
交付前檢查設備運作、安裝穩固度、表面飾面同執漏清單。
- 驗收交付
一齊驗收，準備收樓
按確認嘅工程項目一齊驗收，核對執漏進度，交代使用及保養方法，再安排交付。
收樓時交代工程交付、後續跟進及保養事項，適用範圍按合約確認。
START WITH A CONVERSATION
第一步，唔使諗好晒。
準備平面圖、單位面積同預計入住時間，
WhatsApp 我哋，一齊傾下你想點樣住。